缺德鄉音大媽搭巴士撩鼻屎偷抹落乘客衫　港女中招拍照被斥無家教

搭公共交通工具時最怕遇到缺德乘客，有女網民日前在facebook群組發貼，稱在搭巴士時慘遭身旁一名有鄉音大媽挖鼻屎後，將鼻屎偷抹落她的衣服上，樓主憤而拍照，怒斥對方行為過分，反遭該名大媽指摘無家教及歧視。

該名女網民本月22日在facebook群組「To Kwa Wan 土瓜灣之友」圖文並茂發貼，稱當日乘搭巴士106號線，打機期間突然感到自己外套被「扯下扯下」，查看後赫然發現身旁一位中年女子挖鼻屎後，雙手翹起，竟借手臂掩護，偷偷將鼻屎抹落其衣服上，

原來隔離呢個女人，撩鼻屎，橋手，用下面嗰隻手抹落我件衫到！

▲ 網民搭巴士時慘遭身旁一名大媽挖鼻屎後，將鼻屎偷抹落她的衣服上。（相片來源：facebook群組　「To Kwa Wan 土瓜灣之友」）

樓主坦言立即怒火中燒，故無指名道姓罵了對方幾句，稱「係未能冷靜之下，我自拍左呢張相，對方用唔鹹唔淡嘅廣東話，叫樓主刪除照片刪，並斥責樓主，

大概都係話口臭啊唔係女仔呀，冇家教啊，話我歧視佢。

樓主駁斥，「大佬你試吓有人抹鼻屎落你件衫到，你咩反應，我係因為不公而出聲唔係歧視你」。

雙方爭拗一輪，該名大媽最後過完隧道在紅磡下車。樓主在貼文中稱，「憑咩我係女仔唔可以出聲」，又慨嘆在香港搭巴士竟會遇到這樣的人。

貼文一出引起網民熱議，大批網民直斥該名大媽行為惡心，「點解可以咁核突」，「在公眾場合撩鼻屎已經核突 ， 仲要抹喺人哋件衫到!」，「好嘔心，真係核突到極點，仲好意思鬧人！」 ；有網民女稱，「唔怪得香港會污糟左咁多」；另有網民稱，「唔可以放過，都唔知試過幾次，如果我喺度一定幫口話佢，大家要團結D，唔好唔理。」